Tirana dhe Pogradeci do të përballen nesër, prej orës 18:00. Në “Elbasan Arena” do të mësohet skuadra e fundit që siguron një vend në elitën e sezonit të ardhshëm.
Kompanitë e basteve kanë ndarë koeficientët për këtë ndeshje. Fitorja e Tiranës kuotohet 1.8.
Pogradeci, si jofavorit, kuotohet 4. Barazimi ndërkohë ka koeficientin 3.4. Këto koeficientë, janë brenda 90 minutave.
Në rast barazimi, do të nevojiten shtesat apo edhe penalltitë, për të përcaktuar fituesin. Humbësi do të vijojë rrugëtimin e sezonit të ardhshëm në Kategorinë e Parë.
