Policia kufitare në doganën e Morinës ka arrestuar një të shpallur në kërkim ndërkombëtar nga autoritetet austriake, i cili ka tentuar të hynte në Shqipëri.
Në pranga është vënë shtetasi Himë Lufaj, 41 vjeç, banues në Deçan të Kosovës, i cili ishte shpallur në kërkim ndërkombëtar për “Vrasje e mbetur në tentative”.
“Gjatë verifikimeve dhe intervistimit në vijë të dytë, në hyrje të vendit, rezultoi se 41- vjeçari ishte shpallur në kërkim ndërkombëtar nga Interpol Vjena, pasi autoritetet austriake kanë lëshuar ndaj tij urdhër arresti, i dyshuar për kryerjen e veprave penale “Vrasje e mbetur në tentativë”, “Plagosje e rëndë” dhe “Vjedhje”.” – njoftojnë autoritetet.
Policia thotë se Interpol Tirana në bashkëpunim me homologët në Austri vijon procedurat për ekstradimin e 41-vjeçarin.
