Sipas mediave të huaja, të cilat citojnë Departamentin e Tregtisë, ekonomia amerikane u tkurr me një normë vjetore prej 0.3% në tre muajt e parë të vitit.
Kjo shënoi një rënie të ndjeshme pas rritjes me një ritëm vjetor prej 2.4% në tremujorin e mëparshëm, megjithëse rënia nuk ishte aq e rëndë sa kishin parashikuar disa analistë.
Rënia u nxit nga rënia e shpenzimeve qeveritare dhe një rritje prej më shumë se 40% e importeve, ndërsa kompanitë nxituan t’i shpëtojnë tarifave.
Rritja e shpenzimeve të konsumatorëve u ngadalësua gjithashtu nga fundi i vitit të kaluar, me një rritje prej 1.8%, nga 4% në tremujorin e mëparshëm.
Sekretari i Thesarit, Scott Bessent, vetëm dje u bëri thirrje njerëzve të përqendrohen më pak te ndjenja dhe më shumë te të dhënat konkrete, ndërsa përpiqen të vlerësojnë se si po ecën ekonomia.
Ky raport, i cili përqendrohet në një periudhë përpara se të shpalleshin tarifat më të gjera të Presidentit të SHBA-së, Donald Trump, nuk ka gjasa ta zgjidhë debatin.
