Policia e Kurbinit ka arrestuar dy persona, të cilët akuzohen se rreth mesnatës së kaluar kanë thyer xhamin e një lokali në fshatin Fushë Gjormë për të vjedhur para dhe produkte.
Në kuadër të operacionit të koduar “Alarmi” janë vënë në pranga shtetasit Gjergj Gjoka, 65 vjeç dhe Besjan Dervishi alias Besjan Tusha, 38 vjeç, të dy banues në Kurbin, të dy me precedent të theksuar për krimin e vjedhjeve.
Sipas autoriteve, në lokalin në Fushë Gjormë ata kanë vjedhur xhiron ditore dhe pije alkoolike. Policia thotë se po vijojnë hetime me qëllim zbardhjen e vjedhjeve të tjera që mund të kenë kryer këta shtetas.
Materialet procedurale i janë referuan Prokurorisë së Lezhës, për veprime të mëtejshme, për veprat penale “Vjedhja”, kryer në bashkëpunim, dhe “Shkatërrimi i pronës”.
