PSD ka reaguar lidhur me konfliktin e ndodhur sot në Tiranë në zyrën e partisë së Tom Doshit në rrugën Ali Demi.
PSD bën me dije se konflikti ka ndodhur pranë ambjenteve të zyrës së tyre elektorale, por justifikohet se nuk ka lidhje me partinë dhe asnjë prej simpatizantëve apo anëtarëve të partisë nuk është përfshirë në konflikt.
“Partia Socialdemokrate sqaron opinionin publik se ngjarja e ndodhur këtë mesditë në rrugën “Ali Demi”, nuk ka asnjë lidhje me zyrën tonë elektorale apo me aktivitetin e Partisë Socialdemokrate.
Vendi ku ka ndodhur incidenti ndodhet pranë ambjenteve tona, por asnjë nga anëtarët apo simpatizantët tanë nuk ka qenë i përfshirë në konfliktin në fjalë. Dënojmë çdo akt dhune dhe presim që organet kompetente të sqarojnë plotësisht rrethanat e ngjarjes.
Siç duket nga pamjet e siguruara dera prej xhami e zyrës elektorale është dëmtuar dhe sipas policisë, dyshohet se është thyer me sende të forta.
Gjithashtu, raportohet se shtetasit e përfshirë në konflikt janë larguar nga vendi i ngjarjes me një automjet, ndërsa vijon puna për kapjen e tyre“, thuhet në reagimin e PSD.
Blutë e kryeqytetit, përmes një komunikate për mediat, bëjnë me dije se fasada prej xhami e zyrës është konstatuar e thyer, teksa në vendin e ngjarjes janë gjetur edhe dy plumba të pa shpërthyer.
Mediat raportojnë se kanë qenë disa persona të cilët kanë sulmuar zyrën e PSD-së dhe më pas janë konfliktuar fizikisht, teksa ende nuk dihen identitetet e tyre. Dyshohet se është qëlluar edhe me armë zjarri. Burime bëjnë me dije se në lidhje me këtë ngjarje janë shpallur në kërkim Arjan Telhallari dhe djali i tij.
