Analisti Enton Abilekaj u shpreh ashpër ndaj SPAK në emisionin “Të Paekspozuarit” në MCN TV, pasi ai njoftoi se do të hetonte kontratën e lobimit 6 milionë dollarë të PD-së në SHBA për të hequr nongratën e Berishës. Sipas tij këto hetohen pasi partia politike e ka përfituar dhe bën deklaratën sipas ligjit.
Abilekaj thekson se prokurorët e posaçëm janë shërbëtorë të fushatës së Edi Ramës.
“Ligjërisht këtu nuk ka asnjë shklelje, deri tani. SPAK që del atje dhe heton duhet të na shpjegojë. Të dalin ata të dielën si ushtarët pa dinjitet të Edi ramës për të hetuar opozitën, atëherë ky është skandal, është përdorimi më i ndyrë i një prokurorie politike.
Këto gjëra hetohen pasi partia politike e ka përfituar dhe bën deklaratën sipas ligjit. Ligji është kështu: Partia politike në fund të vitit për deklaratën e të gjitha shpenzimeve, kontratave, donacioneve. Ia bën KQZ-së. Pasi bën këtë deklarim, heton edhe KQZ-ja, heton edhe SPAK-u. Unë nuk po them të mos hetohet, por kur SPAK-u del të dielën në punë për të hetuar një gjë që nuk ka asnjë gjë, se nuk është një shkelje e hapur që mund të duket. Çfarë janë këta bashibozukë që na kanë dalë si prokurorë specialë? Janë shërbëtorë të fushatës së Edi Ramës”- tha Abilekaj.
