Kreu i grupit parlamentar të LSI-së, Petrit Vasili e ka quajtur gënjeshtar të paciptë Edi Ramën, në lidhje me deklaratat e tij për autenticitetin e audio-përgjimit të bërë publik nga PD.
Me një shënim në Facebook, Vasili ka krahasuar deklaratat e Edi Ramës dy ditë më parë dhe sot.
Shkrimi i plot i Petrit Vasili në Facebook:
Kryeministri i inkriminuar dhe mashtrues, dje ‘verifikoi’ audion, sot s’thotë dot agjencinë.
Mashtrues ordiner dhe i inkriminuar, ky është kryeministri.
Gënjeu shqiptarët kudo që janë dhe u tha me gojën plot se kish verifikuar audion e përgjimit të vëllait të ministrit dhe deklaroi se ishte e manipuluar.
Ja çfarë tha pacipësisht kryeministri dy ditë më parë:
‘Qoftë përgjigjia që kam marrë nga analiza shkencore të materialit audio, qoftë informacionet e grumbulluara nga burimet më lart, prej të cilave nuk kanë asnjë indicie të vëllait të Ministrit të Brendshëm’.
Çfarë tha mashtruesi kryeministër sot:
Rama: ‘Si jam drejtuar asnjë firme, por një agjencie të specializuar. Adresën s’mund ta jap.”
Kush e beson më këtë kryeministër nuk ka respekt për veten.
