Ditën e shtunë do të mbahet ceremonia mortore e Papa Frannceskut në Vatikan, nga ku dhe nuk do mungojnë figura të rëndësishmë botërore.
Britania e Madhe do të përfaqësohet nga kryeministri Keir Starmer dhe Princi Uilliam, ky i fundit në emër të Mbretit Charles. Mbreti ishte figura e fundit më e lartë që takoi Papën. Sakaq, figura mbretërore do të jenë në ceremoni dhe nga Spanja, Mbreti Filipe VI dhe mbreteresha Letizia.
Presidenti i Ukrainës, Volodymyr Zelensky do të jetë gjithashtu i pranishëm. Krah tij do të jetë dhe President Polonisë, Andrzej Duda.
Kancelari gjerman Olaf Scholz do të marrë pjesë në ceremoninë mortore.
Nuk do të mungojnë Presidenti i Argjentinës, Javier Milei, vendlindja e Papa Françeskut, Presidenti i Francës Emmanuel Macron, por dhe Presidentja e Komisionit Evropian Ursula von der Leyen.
Nga Amerikat, do të jenë prezentë Presidenti i Shteteve të Bashkura Donald Trump por dhe ai i Brazilit, Luiz Inacio Lula da Silva.
Deri më tani, BBC raporton se Vladimir Putin nuk pritet të marrë pjesë.
Priten sakaq që emra të tjerë të politikës evropiane të konfirmojnë praninë e tyre në ceremoninë mortore të Papa Françeskut ditën e shtunë.
