Shefi i Qarkullimit Rrugor në Tiranë, Roven Zeka, shefi i Sektorit të Aksidenteve, Sokol Novakun dhe oficeri i Policisë gjyqësore pranë Policisë së Shtetit, Edison Tabakun janë arrestuar me ardhër të Prokurorisë së Posaçme (SPAK) për veprën penale “shpërdorim detyre”.
Mësohet se mëngjesin e sotëm, oficerët e policisë gjyqësore janë marrë në pyetje në bllokun e sigurisë, teksa kanë dhënë shpjegimet paraprake. Burime për mediat bëjnë se nuk ka ende një masë sigurie ndaj tyre, ndërsa pritet që SPAK të bëjë kërkesë në GJKKO për masë sigurie për zyrtarët e Policisë.
Siç u bë me dije nga të dhënat paraprake, Roven Zeka, Sokol Novaku dhe Edison Tabaku akuzohen për veprat penale korrupsion e shpërdorim detyre pasi dyshohet se i kanë marrë para një gruaje për një aksident. Bëhet fjalë për shifrën prej 2 mijë eurosh.
Çështja e zyrtarëve u zbulua nga përgjimet për një tjetër çështje. Nga përgjimet ka rezultuar se janë ofruar para për të mbyllur në favor të gruas çështjen. Pas këtyre përgjimeve, SPAK ka lëshuar urdhër arrest ndaj Zekës, Novakut dhe Tabakut.
