Teksa publikimi i votës së diasporës është kthyer në trend në rrjetin social TikTok, ku me qindra video shqiptarët publikojnë se për kanë votuar për zgjedhjet e 11 majit, një tjetër problem duket se është edhe votimi në grup.
Vota duhet të jetë e fshehtë, pasi fotografimi i saj është një vepër penale e cila dënohet deri në 5 vite burgim, duket se shqiptarët që jetojnë jashtë kufijve po votojnë në grup.
Një video e publikuar në TikTok nga një shqiptar që jeton jashtë vendit, shihen katër fletë votimi, në cilat vërehet se ai ka zgjedhur se kë ka votuar.
Publikimi i këtyre pamjeve është shqetësues, pasi vota e diasporës ka humbur integritetin e saj.
Por duket që edhe KQZ ka dështuar që të paralajmërojë shqiptarët në lidhje me pasojat ligjore që kanë në rast të publikimit të imazheve apo votimit në grup, teksa imazhe të fletës së votimit po qarkullojnë në rrjetet sociale.
