Kategoria Superiore luajti sot javën e parafundit të saj, me ndeshje të cilat prodhuan në total vetëm 5 gola.
Spikasin fitoret e arta të Bylisit, Teutës dhe Laçit, ndërkohë që dueli mes Elbasanit dhe Vllaznisë dhe Egnatia-Skënderbeu u mbyllën pa fitues.
Duket se verdiktet përfundimtare do të mësohen javën e fundit, teksa Teuta tashmë ka shpëtuar edhe matematikisht sezonin, pas triumfit në kryeqytet.
Tiranës tashmë për të shmangur rënien nga Kategoria i duhet një “mrekulli” e vogël. Gjithçka do të varet nga rezultati mes bardhebluve dhe Dinamos ku skuadra e Shkëmbit i duhet vetëm fitorja.
Në rast fitoreje kryeqytetasit pavarësisht rezultateve në sfidat e tjera Skënderbeu-Bylis dhe Vllaznia- Laçi do të siguronin vendin e tetë që korrespondon me zonën “play-out”.
Zhvillimi ka edhe në zonën e “Final Four”. Ajo që bie në sy në pjesën e sipërme të klasifikimit është ndryshimi i vendeve mes Vllaznisë dhe Dinamos, si dhe i Elbasanit me Partizanin, pasi tani janë verdheblutë që ngjiten të katërtit në zonën e katërshes që lufton për titullin.
Humbja e Partizanit ndaj Bylisit dhe barazimi i Elbasanit me Vllazninë zbret të kuqtë në vendin e 5-të. Dy skuadrat do të përballen mes tyre në javën e fundit teksa skuadra e Gegës i bën punë vetëm fitorja.
Renditja:
