Qeveria italiane ka lëshuar një deklaratë për takimin e sotëm mes Giorgia Melonit dhe zëvendëspresidentit amerikan J.D.Vance, duke theksuar se biseda ka lejuar të nënvizohen marrëdhëniet e shkëlqyera mes dy vendeve.
Në deklaratë thuhet se gjatë bisedës u nënvizua vullneti i përbashkët për të forcuar bashkëpunimin në fushën e sigurisë, zhvillimit ekonomik dhe progresit teknologjik, siç përcaktohet në deklaratën e përbashkët të miratuar gjatë takimit të fundit të kryeministres Giorgia Meloni me presidentin amerikan Donald Trump në Uashington.
Sipas qeverisë italiane, biseda Meloni – Vance lejoi diskutime të mëtejshme të thelluara mbi çështjet tregtare dhe çështjet kryesore të aktualitetit politik ndërkombëtar, duke filluar me përpjekjet për një paqe të drejtë dhe të qëndrueshme në Ukrainë.
