Menjëherë pas publikimit të dëshmisë së tij, Albert Veliu, i njohur si “dëshmitari X”, është marrë në pyetje nga Prokuroria.
Lajmi është bërë i ditur nga ish-ministri i Drejtësisë së PD, Gazment Bardhi i cili tha se Veliu është thirrur në Prokurorinë e Krimeve të Rënda ku edhe ka dhënë dëshminë e tij, ndërsa aktualisht është i lirë.
“Në dijeninë time është i lirë për momentin. Ai ka dëshmuar sot, pasi është thirrur nga prokurorë të Prokurorisë së Krimeve të Rënda. Dhe ky është paradoksi, se personi që nuk është përfshirë në veprimtari kriminale është ndaluar, ndërsa vëllai i ministrit që është përfshirë në trafik nuk është në Shqipëri”, u shpreh Bardhi në emisionin “Opinion”.
