Erion Veliaj, i lënë në “arrest me burg” nga gjykata, po lihet në harresë edhe nga miqtë e tij të cilët nuk bëjnë dot as ‘gëk mëk’ pa lejen e liderit të tyre.
Arbian Mazniku, prej vitesh krah i djathtë i Veliajt në Bashki, u pyet për ish-kryebashkiakun në një intervistë për News24 dhe dha një përgjigje standarde duke u munduar të shmangë komentet në mbrojtje të Veliajt.
“Pa dyshim, Erioni është një mik i afërti i imi dhe më mungon. Nuk na lejohet të komunikojmë. Është mirë dhe duke bërë betejën e tij. Besoj se është çështje që kryeministri është shprehur në mënyrë ezauruese dhe nuk kam për të shtuar dhe për të hequr për pozicionin e PS. Është një pozicion i ekuilibruar dhe i qartë. Unë nuk kam ç’të shtoj as më shumë e as më pak.
Jam mik i Erionin, por është çështje irelevante. Meritojmë që drejtësia ti shkojë çështjeve deri në fund. Duhet t’ia lëmë drejtësisë dhe të mos krijojmë aludimeve. Ka patur impakt, por jemi të fokusuar tek zgjedhjet.
Besoj se për këtë çështje PS ka patur një pozicion shumë të qartë dhe çështja se reforma në drejtësi është në këmbë falë PS dhe Edi Ramës” tha ai.
