Policia e Kukësit ka arrestuar drejtuesin 27-vjeçarin, i cili shkaktoi aksident me 3 të plagosur në aksin Kukës-Krumë.
Ngjarja ndodhi të mërkurën e 16 prillit, rreth orës 18:20, në vendin e quajtur “Sefoll”.
“Në vijim të informacionit të dhënë dje, për asidentin në aksin rrugor “Kukës-Krumë”, bëjmë me dije se specialistët e Sektorit të Qarkullimit Rrugor arrestuan në flagrancë shtetasin M. H., 27 vjeç, banues në fshatin Vranisht, për veprën penale “Shkelja e rregullave të qarkullimit rrugor”.
Dje, rreth orës 18:20, në aksin rrugor “Kukës-Krumë”, në vendin e quajtur “Sefoll”, shtetasi M. H. ka humbur kontrollin mbi drejtimin e automjeti dhe si pasojë automjeti është përplasur me automjetin me drejtues shtetasin V. T. Nga aksidenti u dëmtuan 2 drejtuesit e automjeteve dhe një pasagjere, të cilët vijojnë të jenë në kujdesin e mjekëve, në gjendje jashtë rrezikut për jetën.”- njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme.
