Në prag të ndeshjes së kthimit mes Bayern Munich dhe Interit, që zhvillohet nesër, në orën 21:00, në “San Siro”, Karl-Heinz Rummenigge një legjendë e futbollit gjerman dhe ish-lojtar i të dyja skuadrave ka folur për “Gazzetta dello Sport”, duke vlerësuar lart paraqitjen e zikaltërve dhe duke paralajmëruar vështirësinë që i pret bavarezët.
“Për Bayernin do të nevojitet një mrekulli e vogël pas rezultatit të ndeshjes së parë në Mynih, sepse Interi u paraqit me një skuadër shumë të fortë. Vërtetë. Do të jetë një ndeshje e vështirë, edhe pse jo e pamundur. Por për mua, Interi është favorit për të kaluar më tej,” deklaroi Rummenigge.
Megjithatë, ai theksoi se në futboll gjithçka është e mundur:
“Në një ndeshje të vetme mund të përmbysësh gjithçka. Mjafton një gol për të shkuar të paktën në shtesë. Por Bayernit i duhet një mbrëmje vërtet e mirë.”
Ish-presidenti i klubit bavarez pranoi se skuadra e tij nuk ishte menaxhuar mirë në ndeshjen e parë:
“Humbëm paksa në mënyrë sipërfaqësore. Pas golit të Muller, duhej të ishim kënaqur me barazimin. Në vend të kësaj, shtymë për të fituar me çdo kusht dhe pësuam një gol që na kushtoi shtrenjtë.”
