Partia Socialiste ka çelur këtë të shtunë fushatën zgjedhore për zgjedhjet e përgjithshme të 11 majit në Sheshin Skënderbej.
Fushata u hap me ekipin e Partisë Socialiste të Dibrës, të cilët hynë në skenën e improvizuar në qendër të sheshit me valle popullore të veriut që drejtohej nga drejtuesi politik Blendi Klosi.
Më pas, shfaqjen e mori ekipi i Fierit me, drejtuesen politike Belinda Balluku, të cilët performuan me këngën e grupit Free MC, “Vish fustanin me toka”.
Pas Fierit ishte radha e ekipit të Kukësit, të cilët performuan me një valle tradicionale të zonës.
Më pas në skenë parakaloi ekipi i Durrësit me këngën “Sara perche ti amo”.
Hapja e fushatës po vijon me performancën e qarqeve të tjera, të cilat do të sjellin motive tradicionale të përziera me valle dhe këngë tallava.
Në qendër të sheshit janë vendosur 12 yje të rregulluara në formë rrethore, të cilat simbolizojnë 12 yjet e flamurit të Bashkimit Europian. Përreth yjeve, janë vendosur 5,000 karrige për militantet e Partisë Socialiste dhe administraten, të cilët mbajnë në dorë flamuj kombëtar dhe ata të BE-së.
Ndërkohë që bie në sy farë qartë shfaqja luksoze me administratën publike në sytë e varfërisë e mjerimit të shqiptarëve që braktisin përditë vendin e tyre për shkak të kësaj qeverisje ku gjysma janë në burg e pjesa tjetër nën hetim për vjedhje.
Qeveria më e korruptuar e Evropës shpërfaq prepotencën sot me luks të shfrenuar nga vjedhjet galopante të shqiptarëve.
Dhe këtë e bën në mes të sheshit qendror të Tiranës, vetëm pak metra larg bashkisë së kryeqytetit, kryetari i së cilës nga e njëjta familje politike është në burg për vjedhje.
