Shqiptarët po tregojnë gjithnjë e më shumë kujdes për trupin e tyre, edhe pse këtë po e arrijnë gjithnjë e më tepër nëpërmjet përdorimit të suplementeve ushqimore.
Sipas të dhënave nga Applied Nutrition, një markë e njohur në fushën e ushqimit sportiv, gjatë tre muajve të parë të këtij viti, importet drejt Shqipërisë tejkaluan pritshmëritë me 39% më shumë.
Por ka dhe nga ata të rinjtë që drejt rrugës së thjesht për të arritur rezultatet e duhura konsumojnë të tilla suplemente pa kriter duke shkaktuar dhe probleme në trupin e tyre.
Nga ana tjetër, një studim i publikuar në Archives of Public Health tregon se 69% e popullsisë shqiptare mbi 18 vjeç nuk angazhohen në asnjë aktivitet fizik, me 64% të burrave dhe 71% të grave që qëndrojnë pasivë.
E thënë ndryshe, një pjesë e shqiptarëve që janë aktivë fizikisht, po përfshijnë gjithnjë e më shumë suplementet në përditshmërinë e tyre, ndërsa shumica e popullsisë vazhdon të mos kujdeset sa duhet për trupin dhe shëndetin e saj./SCAN
