Punonjësit austriakë dezinfektojnë automjetet në pikat e kalimit kufitar me Hungarinë dhe Sllovakinë, pas shpërthimit të sëmundjes epidemike të kafshëve.
Austria ka shpallur emergjencën pa shfaqjes së “Aftes Epizootike”, sëmundjes së kafshëve dythundrake pas 50 vitesh.
Ministria e Brendshme e Austrisë deklaroi se do të mbyllë 21 pika më të vogla kufitare me Hungarinë dhe 2 me Sllovakinë për të parandaluar përhapjen e sëmundjes. Vendim ky që do të jetë në fuqi deri më 20 Maj.
Në Hungari dhe në Sllovaki janë konstatuar 9 vatra me këtë sëmundje, ku autoritetet kanë therur dhe groposur mbi 3 mijë bagëti të infektuara. Ndërsa ka nisur fushata e vaksinimit për eliminimin e këtyre vatrave.
“Afta Epizootike” është sëmundje virale, me ngjitshmëri të madhe që prek kafshët dythundrake dhe shkakton dëme ekonomike të mëdha. Kjo sëmundje nuk përbën rrezik për shëndetin human.
