Juljan Shehu ka kontribuar në fitoren e skuadrës së tij Vidzev Lodz kundër Gdansk me rezultatin 2-0 në sfidën e javës së 27 të kampionatit polak.
Mesfushori zhbllokoi rezultatin në sfidën e luajtur në “Miejski Vidzeva” në minutën e 39 të lojës. Golin e dytë e shënoi Alvarez në shtesën e pjesës së parë.
Për Shehun ky është goli i dytë radhazi në kampionat, ndërsa në total ai ka realizuar 3 dhe ka dhënë edhe 1 asist.
Deri më tani, 26-vjeçari ka luajtur në 1784 minuta në kampionatin polak. Futbollisti i kombëtares shqiptare të futbollit u vlerësua me notën 7.9 nga sajti i statistikave ‘Sofascore’, më e larta e ndeshjes.
Edhe në javën e 26, futbollisti kuqezi realizoi gol për Vidzev Lodz, që fitoi në transfertë kundër Piast Glivice me rezultatin 2-0.
