Legjenda e Bayern Munich, Thomas Muller ka njoftuar në kanalet e komunikimit se në fundin e këtij sezoni do largohet nga klubi bavarez pas 25 vitesh plot me trofe (33 në total).
Në një mesazh, 35-vjeçari i cili filloi si lojtar me moshat dhe fitoi një numër rekord prej 12 trofesh me Bayernin në Bundesligë, më së shumti nga çdo lojtar i Bundesligës, tha se do të kishte dashur të qëndronte për të fituar.
“Edhe pas gjithë këtyre viteve, pavarësisht nga minutat që luaj, ende më pëlqen shumë të jem në fushë me djemtë dhe të luftoj për tituj së bashku për skuadrën tonë.
Edhe nëse kjo nuk ishte në përputhje me dëshirat e mia personale, është e rëndësishme që klubi të ndjekë bindjet e tij. Unë e respektoj këtë hap, të cilin bordi mbikëqyrës sigurisht që nuk e morën lehtë”, shkruan Muller. Sulmuesi nuk bëri me dije sesi do jetë e ardhmja e tij.
Nga ana tjetër Bayern tregon se ky ishte një vendim me konsensus.
“Thomas Muller është mishërimi i një karriere i shkollës bavareze”, tha presidenti i klubit Herbert Hainer në një deklaratë.
“Askush nuk ka fituar më shumë kampionate gjermane dhe 33 titujt e tij flasin shumë. Ai i bashkohet radhëve të personaliteteve më të shquara të FC Bayern”, thotë Bayern.
Paraqitja e fundit për Muller me Bayern Munich do jetë gjatë verës në Botërorin e Klubeve që do mbahet në SHBA.
The time has come … ❤️ #esmuellert #FCBayern #Müller25 pic.twitter.com/tMhzkO1jop
— Thomas Müller (@esmuellert_) April 5, 2025
