Prokurorja e Përgjithshme e SHBA-së, Pam Bondi, po bën thirrje për dënim me vdekje për Luigi Mangione, vrasësin e Brian Thompson, CEO i United Healthcare, i cili u vra më 4 dhjetor në Nju Jork.
“Vrasja e Brian Thompson nga Mangione, një burrë i pafajshëm dhe baba i dy fëmijëve të vegjël, ishte një vrasje e paramenduar dhe gjakftohtë që tronditi Amerikën. Pas shqyrtimit të kujdesshëm, i kam udhëzuar prokurorët federalë që të kërkojnë dënimin me vdekje në këtë rast, ndërsa ne zbatojmë agjendën e Presidentit Trump për të ndaluar krimin e dhunshëm dhe për ta bërë Amerikën përsëri të sigurt”, tha Bondi në një deklaratë.
Kërkesa e Bondi për Mangione është në përputhje me direktivën e qarkulluar nga ministri i Drejtësisë në ditën e tij të parë në detyrë. Në udhëzime, ai tregoi rivendosjen e dënimit me vdekje dhe revokimin e moratoriumit federal të dënimit, të urdhëruar nga administrata Biden në vitin 2021. Administrata e parë e Trump kishte riaktivizuar dënimin federal me vdekje pas një ndërprerjeje 17-vjeçare dhe në muajt e fundit të mandatit të tij kishte ndodhur ekzekutimi i 13 të burgosurve.
Mangione akuzohet për vrasjen e Thompson më 4 dhjetor në Nju Jork. 26-vjeçari italo-amerikan nga Baltimore është deklaruar i pafajshëm për akuzat që variojnë nga vrasja e shkallës së parë me qëllim terrorizmi deri në armëmbajtje pa leje.
Mangione, 26-vjeçari italo-amerikan nga Baltimore, vazhdon të deklarohet i pafajshëm, ndërsa fushata e tij për mbledhjen e fondeve ka kaluar shifrën e 500,000 dollarëve. Me një vendim historik që mund të ndryshojë drejtësinë penale në SHBA, sytë e Amerikës janë të kthyer nga ky proces gjyqësor tronditës.
