Tirana nuk po kalon një moment aspak pozitiv në kampionat dhe tashmë bardheblutë pas humbjes me Elbasanin ndodhen të fundit në tabelën e klasifikimit dhe rrezikojnë edhe qëndrimin në Superiore.
Në një periudhë “jo” do të duhet të luajnë një nga ndeshjet më të rëndësishme të këtij sezonit, derbin ndaj Partizanit më 7 prill ora 20:00 në “Arenën Kombëtare”.
Bardheblutë janë të dënuar më shumë se kurrë për të siguruar fitoren dhe për të shpresuar deri në fund te mbijetesa mes më të mirëve.
Padiskutim nuk do të jetë aspak e lehtë për Bledi Shkëmbin, i cili për këtë derbi ka humbur shërbimet e lojtarit më të rëndësishëm të skuadrës.
Bëhet fjalë për sulmuesin Ernest, i cili u ndëshkua me karton të verdhë ndaj Elbasanit dhe në këtë mënyrë ndaj “Demave” do të jetë i pezulluar.
Kjo i shton “dhimbjet e kokës” timonierit të kryeqytetasve, i cili duhet të bëjë pa një prej titullarëve kryesorë ndaj rivalëve të kreyqytetit.
