Një lajm i rëndësishëm vjen së fundmi sa i takon dëmtimit të Erling Braut Haaland, sulmuesit të Mançester City i cili u ndal në ndeshjen e së dielës kundër Bournemouth në FA Cup.
Siç u raportua nga Pep Guardiola, trajneri i Qytetarëve, në konferencën për shtyp, sulmuesi norvegjez do të duhet të jetë jashtë fushës për pesë deri në shtatë javë.
“Mjekët më thanë se ai do të jetë jashtë fushës për pesë deri në shtatë javë. Prandaj shpresojmë që ai të jetë gati për fundin e sezonit dhe për Botërorin e Klubeve FIFA”.
Guardiola më pas shtoi: “Ne nuk kemi një lojtar tjetër me aftësitë apo cilësitë e tij specifike, e dimë këtë, por duhet të përshtatemi. Për shumë vite kemi luajtur me mënyra të ndryshme në sulm dhe kjo varet nga cilësitë e lojtarëve. Do të gjejmë një zgjidhje tjetër.”
