Partizani ka arritur një fitore minimale me rezultatin 1-0 në shtëpi përballë Partizanit në ndeshjen e vlefshme për javën e 32-të të Kategorisë Superiore.
Golin e vetëm të takimit e shënoi Eleke që në pjesën e parë të lojë, duke nxjerrë kështu “demat e kuq” nga kriza. Goli erdhi nga “hiçi”, pasi portieri i Laçit Marko Molla nuk arriti të largonte si duhej një top, i cili u përplas në trupin e sulmuesit dhe shkoi në rrjetë. Kjo ishte dhe ndeshja e debutimit për Skënder Gegën, pas rikthimit në familjen e kuqe.
Pas kësaj fitoreje, Partizani shkon në kuotën e 47 pikëve në vendin e katërt, 7 pikë më tepër se Elbasani, që përballet nesër me Tiranën. Ndërkohë, Laçi mbetet në krizë dhe aktualisht ndodhet në kuotën e 33 pikëve, po aq sa Skënderbeu, Bylisi dhe Teuta, teksa Tirana e vendit të fundit ka 32 pikë.
