Deputeti i Partisë Socialiste, Pjerin Ndreu, i akuzuar nga opozita se është i përfshirë në rrjetin e drogës dhe prostitucionit i është përgjigjur atyre me anë të një postimi në Facebook-un e tij personal.
Para dy ditësh ai u përfshi në një aksident rrugor.
Ja çfarë shkruan Pjerin Ndreu:
Në të mirë apo në të keq kemi edhe “miq” që ne anonimat apo nën zë ndjehen keq për sukseset e tua apo që i vjen mirë për të këqijat që mund të të ndodhin…! Madje, këta “dinë” edhe shumë rreth teje, se je i implikuar në trafik droge, femrash, se je fshatar i rëndomtë, i pa shkollë, se je i zhytur në korrupsion e se ke edhe prona pafund kudo..! I falenderoj të gjithë gjithsesi që me kushtojnë vëmëndje në mënyrën e vet. I kam ndjere e i ndjej pas gjithë jetën. Ma besoni që nuk jetoj dot pa ta se përndryshe do më dukej vetja kot e pa rëndësi. Do lodhen duke hedhe helm, por mua s’kanë për të më gjetë kurrë keq askund e asnjeherë deri kur tē mos kem frymë më, kështu që më vjen keq, por nuk i ndihmoj dot në dëshirën që kanë. Do i lë të zhgërryhen në llumin e xhelozinë e pafre se aty e kanë zgjedhë vetë të vdesin. Kam kaq shumë miq që për tre ditë nuk ka pushuar telefoni me sms e telefonata duke mu gjendur pranë. Doktor House thotë një shprehje të zgjuar “nëse askush nuk të urren, diku ti po gabon.”
