Detaje të reja janë zbardhur nga fundosja e nëndetëses turistike ditën e djeshme në Detin e Kuq, ku 6 persona humbën jetën. Nëndetësja e quajtur “SINDBAD”, kishte 45 turistë rusë në bord, përveç anëtarëve të ekuipazhit.
Fatmirësisht arritën që të mbijetonin 39 turistë, 29 prej të cilëve janë dërguar në spital dhe ndodhen nën kujdesin e mjekëve.
Ndërkohë, janë zbardhur dëshmitë tronditëse të disa prej të mbijetuarve.
Elena Boldareva, e cila i mbijetoi fundosjes së frikshme, ka folur për ngjarjen dhe ka përshkruar momentin kur ndodhi tragjedia. Ajo pohoi se nëndetësja filloi të zhyej me kapakët e hapur, që t’u jepte mundësi njerëzve që të notonin për të shpëtuar.
“Disa arritën që të notonin, kurse disa të tjerë fatkeqësisht jo. Ata u përpoqën sa mundeshin, kurse disa persona me varkë që ndodheshin aty pranë u përpoqën me çdo forcë që të na shpëtonin”, tha ajo.
Elena tregon gjithashtu se nëndetësja filloi që të fundosej papritmas dhe kapakët e saj ishin të hapur.
“Kur ne të gjithë hipën në nëndetëse papritmas ajo filloi që të zhytej, ndërkohë që kapakët vazhdonin të ishin të hapur. Personi që ishte përgjegjës për sigurinë e turistëve filloi të bërtiste me të madhe “ndaloni, ndaloni”, thuhet më tej në dëshminë e saj.
Ajo kujton me dëshpërim zhurmat e ambulancën, teksa në ujë të gjithë luteshin që të dilnin të gjallë.
“Të gjithë dëgjonim zhurmën e ambulancës dhe luteshim të shpëtonim”, u shpreh ajo.
Para incidentit të tmerrshëm, nëndetësja ishte në një turne nëpër shkëmbinj nënujorë koralorë. Në bord kishte individë nga Norvegjia, India, Suedia dhe Rusia. Aktualisht, është e paqartë se çfarë saktësisht çoi në fundosjen dhe autoritetet po vazhdojnë hetimet. Sipas raportimeve të mediave ruse, anija besohet se ka goditur një shkëmb.
‘Quiet, quiet, quiet!”: video of a sinking bathyscaphe with Russian tourists in Hurghada
The recording shows that the submarine ‘Sinbad’ went underwater in seconds.
Six people died, two of them – children. pic.twitter.com/KBPBgbO5Qi
— NEXTA (@nexta_tv) March 28, 2025
