33-vjeçari Avelino Alikollari ka humbur kontaktet me familjen e tij që prej orëve të para të mëngjesit të djeshëm. Rasti urgjent është bërë publik nga JOQ Albania, ku familjarët shprehen tepër të shqetësuar për fatin e tij.
Sipas motrës të tij, Avelino ka folur për herë të fundit me babain rreth orës 4 të mëngjesit, duke i thënë se do të kthehej pas pak, por që nga ai moment nuk është bërë më i gjallë.
Ai është parë për herë të fundit përballë shkollës “Bajram Curri” në Tiranë dhe që atëherë nuk dihet më asgjë për të. Familjarët kanë bërë kallëzim në polici, por u është thënë se duhen 24 orë për ta shpallur person të humbur.
Ata kërkojnë ndihmën e kujtdo që mund të ketë informacion për vendndodhjen e tij. Nëse keni parë ose dini diçka, mund të kontaktoni familjen në numrin 0698270000.
