Pas një heshtje të gjatë në rrjetet sociale, Arben Ahmetaj është rikthyer përmes një postimi në profilin e tij në Facebook.
“Luftojmë kundër tre gjigantëve, i dashur Sancho: Padrejtësia, frika dhe injoranca”, ka shkruar Ahmetaj, duke cituar një shprehje të Miguel De Cervantes.
Nuk dihet se për kë është ky thumb i Ahmetajt, i cili prej gati 2 vitesh ndodhet në arrati pasi akuzohet për kryerjen e tre veprave penale: “Pastrim parash”, “fshehje të pasurisë” dhe “korrupsion pasiv”.
Gjatë periudhës së arratisë, Arben Ahmetaj ka dhënë disa intervista televizive, ku ka hedhur akuza dhe ka bërë denoncime të forta për Edi Ramën, Belinda Ballukun dhe ministra të tjerë të qeverisë socialiste.
