Mjeku dhe kandidati i opozitës për zgjedhjet e 11 Majit, Ilir Alimehmeti ka deklaruar se nëse do të shpenzoheshin vetëm pagesat e 10 muajve të vitit 2025 për koncesionin e smerilimit, 11 spitale të vendit do të pajiseshin me pajisjen e rrezeve, atë të radioterapisë.
Më tej Alimehmeti theksoi se Shqipëria ka buxhetin më të vogël për shëndetësinë nga vendet e rajonit.
“Tek onkologjiku, mungesë investimi dhe mungesë parash është, sepse hedh pak para. Buxheti në shëndetësi është minimalist, e ka premtuar 5% në 2013, sot është 2.9%, pas 12 vitesh. Grupi parlamentar i PD-së e ka kërkuar me amendament që në 2025 të bëhej buxheti 5%, por PS votoi kundër premtimit të vet.
Serbia e 8.8% të buxhetit, Kosova e ka 3.5% të buxhetit për shëndetësinë.
Do të ju bëj një krahasim.
Pajisja më e shtrenjtë, më e mira e radioterapisë kushton 1.5 milionë euro, që bën trajtimin me rreze.
Ne kemi 1 në QSUT dhe 11 spitale rajonale janë bosh. Ne e kemi synimin ta çojmë shëndetësinë te pacienti, e jo pacientin te shëndetësia, se pacienti sëmuret në Korçë, Vlorë, Shkodër e Kukës.
11 pajisje të tilla bëjnë 16.5 milionë euro, me pajisjen më të shtrenjtë të mundshme.
Vetëm për koncesionin e sterilizimit, vetëm për vitin 2025, japim 19 mln euro. Vetëm me 10 muaj të vetëm prej 1 prej koncesioneve ne do të kishim pajisur të gjitha spitalet e Shqipërisë me pajisjen e radioterapisë”, u shpreh mjeku Ilir Alimehmeti në SYRI TV.
