Pasi i tha lamtumirë futbollit të luajtur, duket se Louis Saha ka krijuar një perandori të vërtetë. Ish-lojtari i Manchester United ka themeluar AxisStars, një kompani tashmë me vlerë më shumë se 5 miliardë euro.
Këto janë shifra që edhe ikonat e kalibrit të Cristiano Ronaldos vetëm mund t’i imagjinojnë.
AxisStars është një platformë që garanton këshilla dhe mbështetje për futbollistët, sportistët profesionistë dhe artistët për t’i lejuar ata të dinë se si të përmirësojnë të tashmen dhe mbi të gjitha të ardhmen e tyre.
Një ide që e bëri atë të kishte një pasuri shtatë herë më të lartë se ajo e ish-bashkëlojtarit të tij te Manchester United, Cristiano Ronaldo.
Gjatë karrierës së tij si futbollist Saha ka luajtur me klube të njohura si Manchester United, Everton, Tottenham, Fulham, dhe Lazio si dhe 20 ndeshje me kombëtaren e Francës. /The Sun
