Marc Casado duket se dalëngadalë po merr vend titullari te Barcelona. Trajneri Hansi Flick e pëlqen shumë mesfushorin 21-vjeçar, teksa së fundmi ai u ftua edhe nga Spanja për ndeshjet e Nations League.
Ndërkohë që për të ardhmen e tij ka folur vetë futbollisti. Në një prononcim të shkurtër të dhënë për mediat spanjolle, Casado shprehet se dëshiron të qëndrojë te Barcelona përgjithmonë, duke përjashtuar kategorikisht mundësinë e largimit.
“Unë dëshiroj që gjatë gjithë karrierës time të jem pjesë e ekipit të Barcelonës. Madje, unë dua që të pensionohem në këtë ekip. Kjo është ëndrra ime më e madhe, e dashuroj këtë klub”, ishin fjalët e Casado.
