Sot u luajtën tri ndeshjet e mbetura për të mbyllur javën e 29-të të Superiores. Sfida e parë ishte ajo mes Laçit dhe Egnatias në orën 13:30.
Dueli prodhoi nga një gol për secilën pjesë. Ishte Mjaki që shënoi në minutën e 34-t të pjesës së parë për Laçin, ndërsa në të dytën, Egnatia ndryshoi fytyrë. Barazimin e solli Jahaja për rrogozhinasit, që gëzojnë 1 pikë.
Pasdite, u luajtën Tirana-Vllaznia dhe Teuta-Elbasani takime që nuk prodhuan asnjë gol. Kështu Egnatia, Laçi, Tirana, Vllaznia, Elbasani dhe Teuta ndanë nga një pikë.
Për sa i përket renditjes ajo nuk ka ndryshuar nga dje. Partizani dhe Dinamo janë klubet e vetme që festojnë 3 pikët, që morën ndaj Skënderbeut dhe Bylisit.
Dinamo rimerr vendin e dytë, ndërsa Partizani konsolidon pozitat në Final Four. Skënderbeu në fund duket skuadra me më pak shpresa për mbijetesën.
Renditja:
