Lëvizja e trenave do të rifillojë gradualisht nga ora 18:00 drejt dhe nga Gard du Nord në Paris, pas zbulimit brenda natës të një bombe 500 kilogramëshe e Luftës së Dytë Botërore në Saint-Denis, 2.5 kilometra nga stacioni i trenit që ndodhet në sektorin verior të kryeqytetit francez. Bomba u zbulua midis shinave, gjë që çoi në ndalimin e trenit që në mëngjes.
“Operacionet e çminimit më në fund kanë përfunduar, gjithçka shkoi mirë,” tha ministri francez i Transportit Philippe Tabaro, duke theksuar se bomba kishte 200 kilogramë eksploziv.
Kompania franceze e hekurudhave SNCF njoftoi mëngjesin e sotëm se trafiku në të gjithë trenat TGV me shpejtësi të lartë, Eurostar dhe trenat lokalë u pezullua.
Trafiku nuk mund të rikthehet plotësisht, vetëm pas përfundimit të operacioneve për çaktivizimin dhe heqjen e bombës, të cilat aktualisht janë duke u zhvilluar dhe po kryhen nga shërbimet speciale të policisë së Parisit.
Bomba e cila nuk ka shpërthyer është zbuluar natën e së enjtes.
