Kryerja e veprimeve të turpshme dhe përndjekja i ka kushtuar shtrenjtë një të moshuari në kryeqytet, teksa policia i ka vendosur prangat.
Ngjarja ka ndodhur në Tiranë, kur Komisariati nr. 6 në Kombinat mori një denoncim dhe u vu në lëvizje.
Burime zyrtare thanë se specialistët për Hetimin e Krimeve arrestuan të dyshuarin me inicialet K. M., 70 vjeç, pasi “dyshohet se ka përndjekur një 16-vjeçare, dhe se ka kryer veprime të turpshme ndaj saj”.
Policia nuk dha detaje të hollësishme rreth ngjarjes që është ende nën hetim aktiv dhe materialet i kanë kaluar Prokurorisë. E mitura pretendon se i moshuari e ka ndjekur prej kohësh dhe madje ka kryer veprime të turpshme para saj.
Gjithashtu Policia e Tiranës ka shpallur në kërkim të riun me inicialet K. P., 28 vjeç, për veprën penale “mosbindja ndaj urdhrit të punonjësit të policisë së rendit publik”, kurse Komisariati Nr. 7 referoi materialet në Prokurori dhe nisi procedimin penal për R. D., 38 vjeç, pasi ka kundërshtuar një punonjës të Policisë Rrugore, gjatë kryerjes së detyrës.
