Në shtëpinë e “Big Brother Vip Albania 4”, një nga temat më të diskutuara ka qenë raporti mes Valbonës dhe Jozit. Sjellja e tyre ka ngjallur dyshime mes banorëve, të cilët kanë komentuar mbi afrimitetin e tyre dhe kanë ngritur dyshime që mes tyre mund të ketë diçka më shumë.
Situata është bërë edhe më interesante pas rikthimit të Jozit në lojë. Ai dhe Loredana duket se janë distancuar, ndërsa Jozi është parë më i afërt me Valbonën, madje në një moment ai mbështeti kokën mbi supin e saj, ndërkohë që Loredana ndodhej aty pranë.
Gjatë qëndrimit në shtëpi, të dy janë shprehur se kanë një shoqëri të përbashkët, prandaj kalojnë me shumë kohë bashkë. Megjithatë, në rrjetet sociale dhe në media është komentuar se ata mund të kenë pasur një histori dashurie në të kaluarën.
Por mbrëmjen e djeshme, teksa Jozi dhe Loredana ishin duke sqaruar me njëri-tjetrin, në një moment Valbona ka ndërhyrë duke u shprehur.
‘‘Jemi ish të dashur, sot jemi shokë…’’, tha ajo.
Deklarata u prit me qetësi nga Loredana, e cila u shpreh, edhe unë kam pasur dyshimet e mia. Por nga ana tjetër Jozi, reagoi në mënyrë të ashpër: “Se çfarë kam pasur me këtë, çfarë të intereson. Se çfarë kam bërë dikur nuk të intereson”.
Kjo deklaratë ka habitur të gjithë duke ngritur dyshimet nëse kjo është strategji loje apo e vërtetë.
