Media prestigjoze britanike ”The Times”, në një artikull të publikuar këtë të diel, raporton për përfshirien e Shqipërisë në trafikun e drogës.
Artikulli nis me punën e vështirë që duhet të bëjë qeveria dhe kryeministri Edi Rama për të luftuar drogën, me qëllim integrimin e vendit në BE dhe vijon me skandalet e qeverisë Rama.
“Ditë më parë, ish-ministri i tij i brendshëm (Rama) dha dorëheqjen për t’u përballur me akuzat për përfshirje në një bandë kriminale. Njeriu që e zëvendësoi atë është gjithashtu nën shënjestër mbi një lidhje familjare me një trafikant të dënuar droge.
Për kryeministrin, skandalet nuk do të kishin ardhur në një kohë më të keqe. Ato kanë ushqyer shqetësimet perëndimore lidhur me ambiciet e anëtarësimit të Shqipërisë në BE pak ditë përpara një samiti kyç mbi strategjinë e Ballkanit në Evropë”, shkruhet ndër të tjera në artikullin e The Times.
