Oriola Marashi, modelja e njohur shqiptare, ka rrëmbyer sërish vëmendjen me disa imazhe të reja nga pushimet e saj luksoze në Maldive.
E veshur me bikini të verdha me detaje luledielli, ajo shfaqet rrezatuese në një plazh ekzotik, duke i dhuruar ndjekësve të saj imazhe plot elegancë dhe freski. Me linjat perfekte dhe vetëbesimin e saj karakteristik, Oriola dëshmon edhe një herë pse mbetet një nga modelet më të përfolura shqiptare.
Përveç pamjeve mahnitëse me bikini, modelja ka postuar edhe disa foto të tjera me një fustan transparent.
Me një mesazh poetik, Oriola shkroi krahas postimit të saj: “Nga kurorat e lulediellit deri te shkëlqimi i muzgut”, duke nxitur reagime dhe komplimente nga fansat e saj.
Postimet e saj vazhdojnë të ndezin rrjetet sociale, duke konfirmuar edhe një herë se Oriola Marashi di gjithmonë si të jetë në qendër të vëmendjes.
