Sali Berisha i është përgjigjur kryeministrit Edi Rama në lidhje me Engjëll Agaçin, për të cilin thotë se është në spital dhe ndodhet në gjendje të rëndë shëndetësore.
Berisha, i cili pretendon ndryshe, deklaron se Agaçin e kanë fotografuar nëpër kafene në Romë.
Berisha deklaron i bindur se sekretarit të përgjithshëm të kryeministrit i kanë konfiskuar laptopin, ndërsa thotë se nëse ai është i sëmurë “Rama le të publikojë spitalin ku ai po kurohet”.
“Ai ka një muaj që është zhdukur. Nuk tregojnë as spital, as klinike, përkundrazi nga Roma vijnë foto nëpër kafene. Por po të ishte e vërtetë, ai tregon spitalin, kliniken.
Të pyes Edi Ramën, por kur hoqe zorrën qore çte shtyu të publikosh foton ditën e parë. Pse ti operacionin nuk e mbajte sekret, kurse tani për Agaçion sekret spitali, sekret largimi. Jo vetëm kaq, por Vilma e pushuar nga ambasada e SHBA për fshehje akti kriminal emërohet në vend të tij”, tha Berisha.
LEXO EDHE:
Akuzat e Berishës për arratisjen e Engjëll Agaçit, reagon Rama: Këneta hedh helm
