Gazetari Armand Shkullaku ka komentuar denoncimin e bërë ditën e sotme Kongresin Amerikan, gjatë punimeve të Komisionin për hetimin e efikasitetit të qeverisjes dhe përdorjes së parave të taksëpaguesve amerikanë.
Më tej Shkullaku deklaroi se sot u certifikua denoncimi disa vjeçar se si, paratë e SHBA-së ngritën një drejtësi e cila po përdorej politikisht për të goditur kundërshtarët që ti lihej terren Edi Ramës.
‘Denoncimi i sotëm në Kongresin Amerikan se, paratë e taksapaguesve amerikanë janë përdorur për të goditur liderin e opozitës Sali Berisha, certifikon ose i vë vulën të gjitha përpjekjeve disa vjeçare për të treguar se këtu nuk kishim të bënim për reformë në drejtësi, por kishim të bënim me Ramaformë, i cili i përdori si deshi, që nga organet e vetingut, e institucione të tjera, KLGJ e KLP, të cilët kontrolloheshin nga njerëz pranë mazhorancës, eksponentë të PS-së dhe në fund ne e pamë si u katandis reforma në drejtësi.
Sali Berisha në arrest, Ilir Meta në arrest, Ervin Salianji në burg, Fatmir Mediu në proces e kështu me radhë.
Sot jemi përballë faktit se, është vërtetuar se këto para të ardhura nga Amerika janë përdorur për interesa të qarta, për të luftuar kundërshtarët politikë në Shqipëri, njësoj si rasti McGonigal, ku u përdor një zyrtarë i lartë i FBI-së, me para dhe informacione nga zyra e kryeministrit shqiptar për të goditur po prap opozitën shqiptare’, tha gazetari Armand Shkullaku në SYRI TV.
