Është mbyllur koha e rregullt e sfidës Skënderbeu-Dinamo e vlefshme për Kupën e Shqipërisë.
Skuadra e Ilir Dajës arriti të triumfonte me rezultatin 0-2 ndërsa tashmë skuadra e kualifikuar do të përcaktohet nga kohët shtesë ose penalltitë.
Dinamo e mbylli në avantazh pjesën e parë falë një autogoli të Nastos. Pas një harkimi të Bregut, Nasto me gjoks prek topin dhe e çon në rrjetën e portës së tij.
Teksa takimi po i drejtohej fundit dhe Skënderbeu ishte pranë kualfikimit një episode i dyshimtë ndodh në shtesë.
Pas një aksioni të gjatë të Dinamos që ka gjuajtje të njëpasnjëshme të lojtarëve blu të lënë të vetëm në zonë, Mandela më në fund tund rrjetën dhe dyfishon shifrat.
Momenti i golit kontrollohet nga VAR për një pozicion jashtë loje, ndërsa gjyqtarja Emmanuela Musta pas konsultimit me teknologjinë e ka quajtur golin të rregullt.
