Një ndërprerje masive e rrymës ka lënë 19 milionë banorë pa energji elektrike në Kili këtë të martë.
Daily Mail, raporton se ndërprerja e energjisë elektrikë u raportua fillimisht në orën 15:15 me orën lokale në disa pjesë të vendit.
Agjencia përgjegjëse për rrjetin elektrik të Kilit, tha se ndërprerja është shkaktuar nga një shkëputje në sistemin e transmetimit në rajonin Norte Chico.
Mbikëqyrja e Energjisë Elektrike dhe Karburanteve ka vlerësuar se 80.1 përqind e klientëve kanë mbetur në errësirë.
Të paktën 582,430 qytetarë mbetën pa energji elektrike në komunat përreth rajonit metropolitane Santiago, raportojnë mediat vendase.
Ministrja e Brendshme, Carolina Tohá, shkruan në platformën X se ka planifikuar një takim urgjent me Komitetet e Menaxhimit të Rrezikut të Fatkeqësive.
“Duke pasur parasysh ndërprerjen e energjisë që po ndodh midis rajoneve të Arica dhe Parinacota dhe Los Lagos, unë kam bërë thirrje për një takim të menjëhershëm të Komitetit të Menaxhimit të Rrezikut të Fatkeqësive, ku do të miratojmë masa për të adresuar situatën dhe për të punuar për rivendosjen e shërbimit”, tha ajo.
