Kryeqyteti i Grenlandës është në errësirë totale pas një ndërprerjeje të papritur të energjisë elektrike, duke lënë qindra familje dhe biznese pa furnizim me rrymë.
Sipas kompanisë shtetërore të energjisë, Nukissiorfiit, ekipet teknike janë angazhuar menjëherë për të rivendosur furnizimin përmes sistemeve rezervë, ndërkohë që po punohet për të identifikuar shkakun e defektit.
Autoritetet nuk kanë dhënë ende një shpjegim zyrtar për arsyet e ndërprerjes, ndërsa mediat ndërkombëtare raportojnë se situata po monitorohet nga afër.
Ngjarja vjen vetëm disa ditë pas vizitës së kryeministres daneze, Mette Frederiksen, në ishull. Gjatë vizitës së saj, Frederiksen deklaroi mbështetjen e Danimarkës për banorët e Grenlandës, rajon autonom në Arktik.
Vizita u zhvillua pas një periudhe tensionesh diplomatike, ku presidenti amerikan Donald Trump kishte hequr dorë nga deklaratat për një ndërhyrje ushtarake në Grenlandë dhe kishte pranuar të hynte në negociata diplomatike për çështjen e ishullit.
Frederiksen e vizitoi Grenlandën dy ditë pas takimit të Trump me Sekretarin e Përgjithshëm të NATO-s, Mark Rutte, në Davos të Zvicrës, ku u diskutua edhe situata në Arktik.
