Një ngjarje e rëndë është regjistruar në Shkodër.
Raportohet se një i mitur 3-vjeçar ka humbur jetën ditën e djeshme, teksa e motra e tij 7 vjeçe ndodhet në gjendje të rëndë shëndetësore. Pasi është dërguar në spitalin e Shkodrës, mjekët kanë vendosur më pas ta dërgojnë të miturën drejt spitalit të Traumës në Tiranë për mjekim më të specializuar.
Dyshohet se dy fëmijët e mitur janë helmuar. Ata janë nga fshati Mjedë.
Ndërkohë, raportohet se nëna e fëmijëve, e cila është shtatzënë, ndodhet në gjendje të rëndë emocionale dhe traumatike pas humbjes së djalit të saj.
Ende nuk dihen detajet, teksa autoritetet thonë se do të nisin një hetim për të zbuluar shkaqet e sakta dhe rrethanat e plota të kësaj tragjedie.
