Anila Ndoka (Prendushi), e cila u qëllua me plumb në kokë nga bashkëjetuesi i saj Kolë Manaj, ka ndërruar jetë pas 6 ditësh në spital.
Nëna e 3 fëmijëve u qëllua me armë zjarri nga partneri i saj, pas një debati mes tyre në makinë, ngjarje e ndodhur në lagjen ‘Mark Lula’ paraditen e 18 Shkurtit.
Pasi qëlloi me plumb në kokë Anila Ndokë, Kolë Manaj i dha fund jetës duke u vetëvrarë.
44-vjeçarja u dërgua në spital në gjendje shumë të rëndë, por nuk arriti që të mbijetojë duke u ndarë nga jeta ditën e sotme.
Krimi dyshohet të ketë ndodhur për shkak të refuzimit të 34-vjeçarit që të largohej prej partneres së tij, me të cilën mësohet se kishte nisur bashkëjetesën 5 vjet më parë.
- Krim i rëndë pasioni
Më 18 shkurt, 34-vjeçari Manaj, pasi qëlloi me plumb në kokë 44-vjeçaren, i dha fund jetës.
Ngjarja ndodhi rreth orës 11:15 në lagjen “Mark Lula”, brenda automjetit të Manaj, fare pranë vendit të punës së Anilës.
Por pas aktit të rëndë, hetuesit kanë hapur rrjetet sociale të viktimës dhe të plagosurës për të kuptuar më shumë në lidhje me bashkëjetesën e tyre dhe është konstatuar se Manaj trumpetonte me një mënyrë të çuditshme “gjënë” që donte: “Atë që e do fort, mos e lësho, mos hiq dorë për asnjë arsye në botë!”
Mes çiftit kishte pasur një debat e më pas Kolë Manaj e ka qëlluar gruan me plumb në kokë dhe duke menduar se e ka lënë të vdekur, është vetëvrarë. Policia ka gjetur brenda automjetit armën e krimit tip pistoletë.
Çifti kishte 5 vite që bashkëjetonte, pasi më herët Anila Ndoka ishte ndarë nga bashkëshorti, nga martesa me të cilin kishte 3 fëmijë. Në rrjetet sociale marrëdhënia e tyre dukej e shëndoshë dhe pa asnjë problem.
Anila Ndoka ishte punonjëse sociale e qendrës komunitare nr 5, në Shkodër, ndërsa 34 vjeçari sipas dëshmive të banorëve të zonës, disa herë ka punuar me një kamionçinë në rrugën e Dukagjinit, por pa një punë fikse.
Referuar të dhënave policore saktësohet se nga dëshmitë e grumbulluara paraprakisht është fiksuar fakti se Manaj nuk është njohur për precedentë të mëparshëm dhe as nuk ka qenë ndonjë person problematik në lagje.
Dyshohet se kohëve të fundit kishte pasur grindje mes tyre, duke çuar grupin hetimor drejt dyshimit që gruaja mund të ketë tentuar t`i jepte fund lidhjes me djalin 10 vjet me të ri se ajo, por ky i fundit nuk ka pranuar.
