Marco Asensio dhe Marcus Rashford po shkëlqejnë pas huazim në merkaton e janarit tek Aston Villa. Dy lojtarët duken në super formë dhe mbi të gjitha kuptohen shumë mirë me njëri-tjetrin.
Pikërisht dyshja në fjalë i dha fitoren e madhe Aston Villa-s në shtëpi 2-1 ndaj Chelsea, në ndeshjen e vlefshme për javën e 26-të të Premier League.
Blutë kaluan të parët në avantazh, pas një kundërsulmi të shpejtë, ku Pedro Neto i dha një asist perfekt Enzo Fernandez dhe argjentinasi nuk mund të gabonte me portën e boshatisur. Pjesa e parë u mbyll 0-1 për “Blutë”.
Në fillim të pjesës së dytë, Rashford zuri vendin e Ramsey e Jacob Ramsey dhe që nga ky moment ndryshoi loja e Aston Villa-s. Goli i barazmit erdhi në minutën e 58-të, ku Rashford nuk shënoi dot vetë, por pasoi për Asensio-n, spanjolli nuk mund të gabonte nga aq afër.
Goli i përmbysjes së madhe erhdi në minutën e 89-të, ku sërish kombinimi Rashford-Asensio rezulton i saktë.
Pas kësaj fitoreje, Aston Villa ngjitet në vendin e shtatë me 42 pikë, ndërsa Chelsea mbetet në vendin e gjashtë me 43 pikë.
