Kreu i partisë “Shqipëria Bëhet”, Adriatik Lapaj zhvilloi ditën e sotme një takim me shqiptarët në Rethimno të Kretës.
Siç duket edhe në videon e mëposhtme, pjesëmarrja ka qenë tejet e madhe aq sa shqiptarët e Rethimnos nuk i zë salla.
Gjatë fjalës me shqiptarët e diasporës, Lapaj tha se vota e emigrantëve do të sjellë ndryshimin e madh në Shqipëri.
“Sistemi është i kapur në cdo drejtim dhe duhet çarë, ne duhet të krijojmë një formulë prandaj ne propozuam ndryshime të mëdha: Vota e diasporës e cila nuk shitet kollaj”- tha Lapaj më tej.
Lapaj theksoi se ata që e kanë drejtuar vendin deri më sot, thjesht kanë bluar kockat e atdheut dhe nuk e kanë lënë të zhvillohet.
“Këta janë ndërruar, por shqipëria ka ngelur si mos më keq, pra nuk qenë çështje e pak individëve që e kanë drejtuar, por çështje sistemi që ka ngritur në majë molat që kanë bluar kockat e atdheut dhe nuk e kanë lënë të zhvillohet, por e kanë lënë në vdekje klinike”- tha Lapaj ndër të tjera.
