Arjan Curri, i ftuar në emisionin Top Story komentoi takimin e kryeministrit Edi Rama me punonjësit e Bashkisë në qendër të Tiranës. Ai theksoi se shumica prej tyre kishin vënë syze dielli, pavarësisht se nuk kishte diell, duke pretenduar se ato zakonisht përdoren për të distancuar veten ose në raste varrimesh.
Curri kritikoi qasjen e Edi Ramës, që po trajton punonjësit si “qen roje”. Ai përmendi se politikanët shpesh shihen si figura me sindroma të caktuara, duke e quajtur “Sindroma e Zotit” atë ndjenjë dominimi që disa prej tyre kanë ndaj njerëzve poshtë tyre.
Sipas tij, Rama po shpreh frikën se autoriteti i tij po vihet në dyshim, duke thënë: “Kujdes, unë do t’ju çoj në Evropë.”
“Shumica ishim me syze dielli, kur diell nuk kishte. Zakonisht syzet e diellit vihen kur njerëzit duan të distancohen, ose kur janë në varrim. Kishin syze të mëdha dielli si saldatorë. Rama u ka thënë që s’keni pse të mbidheni të SPAK-u, por do të mblidheni këtu me mua. Tjetër gjë është se çfarë u thotë Rama atyre, i trajtoi ato si qen roje, që i trajton si të dojë.
Politikanët sot shikohen njerëz me sindroma, Sidroma e Zotit është që ti je zot i atyre që ke poshtë vetës. Dhe kur njerëzit e përdorin përemrin “unë”, e shikojnë veten si Zot. Ai po shikon një engjëll, që po e konkurron Ramën, i është bërë si anti-zot, kështu që Zoti është kërcënuar, se ai jeton për adhurimin e njerëzve. Thotë” “kujdes, unë do iu çoj në Evropë”, tha Curri.
