Epoka e Masimo Moratit tek Interi ka përfunduar prej kohësh, por në mendjen e tifozëve zikaltër ajo periudhë u shenjua nga afrimi i lojtarëve të rëndësishëm dhe investime të bujshme.
Ndoshta edhe me disa zhgënjime deri në dominimin për disa vite. Kur kanë kaluar 30 vite nga blerja e klubit nga Ernesto Pelegrini, ish-presidenti zikaltër ka hapur kasetën e kujtimeve.
“Lojtarin që e kam telefonuar shumë herë, është Ronaldo. Si një brazilian i mirë, sigurisht që dëshironte të ishte i ndjekur dhe me vëmendje. Flisnim çdo ditë në telefon dhe më thoshte: ‘Mund të firmos dhe të ndryshoj mendje”.
Ai kujton disa nga kampionët e tjerë të afruar.
“Në Argjentinë ishim duke ndjekur Ortegën. Por unë shikoja kasetat e kampionatit argjentinas dhe aty luante Zaneti. Dërgova Suarezin për ta parë nga afër. I kërkova që të priste disa ditë dhe ta shihte mirë, pastaj unë dhashë lejen për transferimin. Një tjetër që nuk do ta merrja pa e parë në kasetë ishte Zamorano, një interist brenda vetes. Edhe për Insin bëra gjithçka. I shkova në shtëpi, sepse e doja me ngulm në skuadër”, tregon Morati.
Por merkatoja e tij është përbërë nga disa episode që nuk kanë lidhje me futbollin. “Kam falënderuar një barist në një lokal sepse më ndaloi dhe më tha që me Shnajderin do të fitonim gjithçka. Kishte të drejtë. Telefonova Brankën menjëherë dhe të pyeste Murinjon nëse donte që ta transferonim dhe ai sigurisht që dha lejen”, shtoi më tej.
Por sigurisht që ka pasur edhe lëvizje që nuk u konkretizuan dhe ëndrra të mëdha nga Masimo.
“Provuam me Barcelonën që të transferonim Iniestën. Nuk mund të bënim gjë për të. Barça mund të largonte çdo lojtar, por jo Iniestën. Isha gati që të blija Lionel Mesin, por kur mora vesh se çfarë po bënte Barcelona për problemet e shëndetit të tij hoqa dorë. Toti? Edhe ai ka qenë pranë. Në atë kohë pronarët e Romës ma ofruan shumë të zhgënjyer.
Le t’i lëmë lidhjet emocionale në futboll. Sigurisht që ndoshta Toti mund të na kishte refuzuar”, tha ish-numri një i zikaltërve. Ai në fund foli edhe për ndeshjen e humbur ndaj Juves. “Ka pasur shumë raste që Interi mund të kalonte në avantazh dhe shumë presion për Lautaron. Por Motës i dua të mirën dhe të gjithë djemve të tripletës. Për mua janë si djem”, përfundoi ai.
