Një ngjarje e rëndë ka ndodhur në fshatin Bicaj, në Kukësit, ku një person është qëlluar me armë zjarri dhe ka mbetur i plagosur.
Policia bëri me dije se një 29-vjeçar është paraqitur në spitalin e Kukësit i plagosur me armë zjarri.
29-vjeçari ndodhet jashtë rrezikut për jetën.
“Rreth orës 14:20, në spitalin e Kukësit, është paraqitur shtetasi E. H., rreth 29 vjeç, banues në fshatin Bicaj, dyshohet i plagosur me armë zjarri, paraprakisht jashtë rrezikut për jetën.
Nga veprimet e para hetimore dyshohet se ky shtetas është plagosur me armë zjarri gjatë një konflikti për motive të dobëta me një shtetas tjetër, i cili është identifikuar nga Policia, por gjeneralitetet e tij nuk bëhen me dije për momentin, për shkak të hetimit“, thuhet në njoftimin e policisë.
